Бишкек шаарында Аялдардын лидерлигин колдоо боюнча мамлекеттик программаны ишке ашыруу максатында 2024-жылдын 25-сентябрынан 27-сентябрына чейин Аялдардын Лидерлигинин Онлайн Академиясынын бүтүрүүчүлөрү үчүн 3 күндүк тренинг өткөрүлдү.
Тренингдин жүрүшүндө Кыргыз Республикасынын Эмгек, социалдык коргоо жана миграция министринин орун басары Кыял Жанузакова өлкөбүздүн социалдык-экономикалык өнүгүүсүндөгү аялдардын ролу барган сайын ачык-айкын жана маанилүү болуп баратканын белгиледи. Аялдар калктын олуттуу бөлүгүн түзөт жана аларды жетекчилик кызматтарга кошуу жөн гана тең укуктуулук маселеси эмес, бул мамлекеттин жана коомдун ийгиликтүү өнүгүүсүнүн маанилүү элементи.
Үч күндүк тренингдин алкагында, бардык региондордон тандалып алынган катышуучулар үчүн Онлайн Академиясынын Айымдардын Лидерлигин Өнүктүрүү боюнча панелдик дискуссиялар, гендердик анализ боюнча практикумдар жана эл аралык эксперттер менен жеке консультациялар өткөрүлдү. Катышуучулар өздөрүн таанытуу боюнча практикалык көндүмдөрдү өтүштү, ошондой эле эл алдында чыгып сүйлөөдө кыйынчылыктарды жеңүүнү үйрөнүштү. Эксперттер баалуу кеңештерди берип, ийгиликтер жана катачылыктар боюнча рефлексияларды өткөрүштү.
Катышуучулар гендердик теңдик жана лидерлик темаларында жогорку кызыгууну көрсөтүштү, активдүү суроолорду берип, өз тажрыйбалары менен бөлүшүштү. Бул ачык талкуу жана өз ара аракеттенүү атмосферасын түздү.
Мындан тышкары, тренингдин алкагында лидер аялдар Жогорку Кеңешке жана Борбордук шайлоо комиссиясына барышты, депутаттар Гулшаркан Култаева жана Гуля Кожокулова менен жолугушуп, өлкөдөгү аялдардын лидерлигин өнүктүрүү маселелерин талкуулашты
Айымдардын лидерлиги боюнча тренинг ар кандай кесиптик чөйрөлөрдөн келген катышуучуларды жыйнады, бул гендердик теңдик жана айымдардын лидерлиги маселелеринин экономика жана социалдык чөйрөнүн ар кайсы секторлорунда иштеп жаткан аялдар үчүн актуалдуулугун баса белгилейт. Катышуучулар мамлекеттик секторду, билим берүүнү, бейөкмөт уюмдарды, медицина жана маданият чөйрөлөрүн өкүлдөрү болгондуктан, тажрыйба жана идеяларды алмашуу үчүн уникалдуу чөйрө түзүштү.
Бул иш-чаранын негизги өзгөчөлүктөрүнүн бири мамлекеттик башкаруу системасында жана билим берүү мекемелеринде иштеген катышуучулардын олуттуу саны болуп саналат. Бул тармактар көбүнчө өзгөрүүлөрдү жүргүзүү жана гендердик теңчиликти илгерилетүү үчүн негизги болуп саналат. Аялдардын бул тармактарда лидерликке умтулуусу алардын коомдун келечегин түзүүдө активдүү ролун ырастайт.Билим берүү жана мамлекеттик башкаруу – бул теңчилик жөнүндөгү идеялар саясаттын жана практиканын деңгээлинде камтыла турган аянтчалар, ошону менен келечек муундар үчүн мүмкүнчүлүктөр түзүлөт.
Ошентип, тренингде көрсөтүлгөн кесипкөй чөйрөлөрдүн ар түрдүүлүгү талкууларды гана байытпастан, гендердик теңчилик жана аялдардын лидерлиги маселелери бардык секторлор үчүн актуалдуу экендигин баса белгилейт. Катышуучулар дисциплиналар боюнча биргелешкен күч-аракеттер аялдардын укуктарынын олуттуу өзгөрүшүнө жана алга жылууга алып келишине күбө болушат.
Бул иш-чара ЕККУнун Бишкектеги Программалык кеңсесинин жана Евробиримдиктин “InKoom – Кыргызстанда адилеттүү жана инклюзивдик коомду өнүктүрүүгө көмөктөшүү” долбоорунун колдоосу менен уюштурулду.